پاکستان کی تین بہنوں کا پاور لفٹنگ میں ریکارڈ
پاکستان کی تین بہنوں نے پاور لفٹنگ میں نئی تاریخ رقم کرتے ہوئے ایک ہی ایونٹ میں مختلف ویٹ کیٹگریز میں چار چار گولڈ میڈلز جیت لیے۔
سحرنیوز/پاکستان: جنوبی افریقا میں جاری ایونٹ میں ٹوئنکل سہیل چوراسی کے جی کلاس میں ایکشن میں تھیں مکمل فٹ نہ ہونے کے باوجود ٹوئنکل سہیل نے بھی اپنی کلاس میں کلین سوئپ کیا اور چاروں گولڈ میڈلز اپنے نام کیے۔
اس سے پہلے ان کی بہنوں ویرونیکا سہیل اور سیبل سہیل نے بھی اپنی اپنی ویٹ کیٹگری میں چار چار گولڈ میڈلز جیتے۔یہ پہلا موقع ہے کہ پاور لفٹنگ کے کسی بین الاقوامی ایونٹ میں تین بہنوں نے ایک ساتھ گولڈ میڈلز جیتے۔ تینوں بہنیں اب تیرہ جولائی کو ایکوئپڈ ایونٹ میں ایکشن میں ہوں گی۔
صوبائی وزیر کھیل پنجاب فیصل کھوکھر نے سہیل سسٹرز کو مبارک باد دی ہے اور کہا ہے کہ تین بہنوں نے تاریخ رقم کر کے ملک و قوم کا نام روشن کر دیا ہے۔ انہوں نےکہا کہ وزیر اعلیٰ پنجاب مریم نواز کی ہدایت پر اسپورٹس بورڈ پنجاب نے تینوں بہنوں کو ایونٹ کے لیے ائیر ٹکٹس کے لیے 20 لاکھ روپے اور یونیفارم فراہم کیے تھے۔
