SAHAR

اقوام متحدہ نے اسکواش کےعظیم کھلاڑی جہانگیر خان کو ایک ہزار سال کے بہترین کھلاڑیوں کی فہرست میں شامل کر لیا ہے۔

سحرنیوز/پاکستان: اسکواش کے کھیل میں جہانگیر خان کی بہترین خدمات اور کھیل کی بنا پر اقوام متحدہ نے ان کا نام ایک ہزار سال کے عظیم کھلاڑیوں کی فہرست میں شامل کیا ہے۔ جہانگیر خان نے اپنے کیریئر میں مسلسل ساڑھے پانچ سو میچ جیت کر گنیز بک آف ورلڈ ریکارڈ میں اپنا نام درج کرایا اس کے علاوہ وہ پانچ سال سے زائد عرصے تک مسلسل ناقابل شکست رہے۔
انہوں نے چھے بار ورلڈ ٹائٹل جیتا جبکہ وہ دس بار برٹش چیمپیئن شپ جیتنے میں بھی کامیاب رہے۔ ان کا چھے بار ورلڈ ٹائٹل جیتنے کا ریکارڈ ان کے ہم وطن جان شیرخان نے توڑا لیکن دس بار برٹش چیمپیئن شپ جیتنے کا ان کا ریکارڈ ابھی تک کوئی نہیں توڑ سکا ہے۔