کئی ممالک سے پاکستانی شہری بے دخل
Feb ۲۴, ۲۰۲۵ ۱۲:۵۵ Asia/Tehran
سعودی عرب، متحدہ عرب امارات، عمان اور سینیگال سمیت 8 ملکوں نے مزید 45 پاکستانی شہریوں کو ڈی پورٹ کر دیا گیا جن میں سے 5 کو کراچی میں انسداد انسانی اسمگلنگ سرکل کی حراست میں دے دیا گیا۔
سحرنیوز/پاکستان: امیگریشن ذرائع کے مطابق سینیگال میں مختلف ذرائع سے پہنچے 3 پاکستانی نوجوانوں کو یورپ اسمگل کیا جانا تھا مگر مقامی اتھارٹیز نے انہیں حراست میں لے کر پاکستانی سفارت خانے کے ذریعے واپس بھیج دیا، جنہیں اے ایچ ٹی سی نے حراست میں لے لیا۔
ذرائع کا کہنا ہے کہ سعودی عرب سے بلیک لسٹ 5 اور سزائیں پوری ہونے والے 6 افراد سمیت 14 پاکستانیوں کو ڈی پورٹ کر دیا گیا، جن میں منشیات فروشی کا ایک ملزم بھی شامل ہے۔
امیگریشن ذرائع نے یہ بھی کہا ہے کہ رومانیہ و عمان میں زائد المیعاد قیام اور ویزا ختم ہونے سمیت مختلف الزامات پر 12 پاکستانیوں کو بے دخل کر دیا گیا۔
