جعفر ایکسپریس حملےکے 4 مبینہ سہولتکار سی ٹی ڈی کی حراست میں
پاکستان کے محکمہ انسداد دہشتگردی (سی ٹی ڈی) نے جعفر ایکسپریس حملےکے 4 مبینہ سہولت کاروں کو حراست میں لے لیا ہے۔
سحرنیوز/پاکستان: پاکستانی میڈیا کے مطابق حملے کے 4 مبینہ سہولتکاروں کو سی ٹی ڈی نے اپنی حراست میں لیا ہے، ہلاک حملہ آوروں کے زیراستعمال اسلحہ و کمیونیکیشن آلات کا فرانزک ہو رہا ہے۔ سی ٹی ڈی ذرائع کا بتانا ہے کہ جعفرایکسپریس پردہشت گردانہ حملے کی تحقیقات جاری ہیں اور دیگراداروں کے ساتھ مل کر تحقیقات اور حملہ آوروں کی شناخت کر رہے ہیں۔ ہلاک حملہ آوروں کی شناخت کےلئے فنگرپرنٹس نادرا کوبجھوائے ہیں جب کہ ہلاک حملہ آوروں کےجسمانی اعضاء بھی فرانزک ایجنسی کو بجھوا دیے گئے ہیں۔
یاد رہے کہ کوئٹہ سے پشاور کے لیے جانے والی جعفر ایکسپریس کو بی ایل اے کے دہشت گردوں نے سبی کے قریب یرغمال بنا کر خواتین اور بچوں سمیت مسافروں کو اغوا کر لیا تھا۔ پاکستانی فورسز کی بروقت جوابی کارروائی میں تمام 33 دہشت گرد ہلاک ہوئے جبکہ دہشت گردوں نے فائرنگ سے پاکستانی فوج کے 4 جوانوں سمیت 25 افراد جاں بحق ہوگئے تھے۔
