پاکستان کا اعلیٰ سطحی وفد ایران ایکسپو 2025 میں شریک
Apr ۲۹, ۲۰۲۵ ۱۲:۳۱ Asia/Tehran
پاکستانی وزیر اعظم کے معاون خصوصی، سوشل ویلفئیر منسٹر اور ڈپٹی منسٹر آف کامرس پر مشتمل ایک وفد ایران کی 7ویں ایکسپورٹ پوٹینشل ایگزیبیشن (ایکسپو 2025) میں شریک ہے۔
سحرنیوز/پاکستان: پاکستانی وزیراعظم شہباز شریف کے معاون خصوصی طلحہ برکی، پنجاب کے سوشل ویلفئیر منسٹر سہیل شوکت بٹ اور ڈپٹی منسٹر آف کامرس ماریہ قاضی نے تہران میں منعقدہ ایران کی 7ویں ایکسپورٹ پوٹینشل ایگزیبیشن (ایکسپو 2025) میں شرکت کی۔
تہران میں پاکستان کے سفیر محمد مدثر ٹیپو نے اس حوالے سے کہا کہ اعلیٰ سطحی پاکستانی وفد نے زاہدان چیمبر آف کامرس اینڈ انڈسٹریز کے بوتھ سمیت ایران ایکسپو کے نمائشی بوتھ کا دورہ کیا اور ایرانی حکام بشمول نجی شعبے اور مختلف وفود سے ملاقات اور تبادلہ خیال کیا۔ اس دورے میں پاکستان اور ایران کے درمیان دوطرفہ تعلقات کو مزید فروغ دینے کی ضرورت پر زور دیا گیا۔
