SAHAR

حکومت پاکستان نے غیر قانونی مقیم افغان باشندوں کو ملک بدر کرنے کا فیصلہ کیا ہے اس سلسلے میں وزارت داخلہ نے نوٹیفکیشن بھی جاری کر دیا ہے۔

سحرنیوز/پاکستان: پاکستانی میڈیا کے مطابق وزارت داخلہ کے نوٹیفیکیشن میں کہا گیا ہے کہ پی او آر کارڈ ہولڈر افغان مہاجرین کے قیام کی مدت تیس جون کو ختم ہو چکی ہے، اکتیس جولائی تک کی مہلت کے بعد گزشتہ روز سے انخلاء کا عمل شروع کر دیا گیا۔ وزارت داخلہ کے مطابق جیل انتظامیہ اور متعلقہ ادارے غیر قانونی مقیم افغان باشندوں کی بےدخلی میں معاونت کریں گے۔ نوٹیفکیشن کے مطابق فارنرز ایکٹ کے سیکشن چودہ کے تحت زیر سماعت یا سزا یافتہ افغانوں کو بھی بےدخل کیا جائے گا، فارنرز ایکٹ کے سیکشن چودہ کے سوا کسی زیر سماعت مقدمے میں افغان کو بےدخل نہیں کیا جائے گا۔