پاکستان و بنگلہ دیش کے وفود کے درمیان مذاکرات کا آغاز
پاکستان اور بنگلادیش کے درمیان وفود کی سطح کے مذاکرات شروع ہونے کی خبریں موصول ہوئی ہیں
سحرنیوز/پاکستان: پاکستان کے ترجمان دفتر خارجہ کا کہنا ہے کہ ڈھاکہ میں پاکستان اور بنگلادیش کے وفود کے اعلیٰ سطح مذاکرات ہوئے ہیں۔پاکستانی وفد کی قیادت اس ملک کے نائب وزیراعظم و وزیرِ خارجہ سینیٹر اسحاق ڈار کر رہے ہیں جبکہ بنگلادیش کی طرف سے وفد کی قیادت مشیر خارجہ امور محمد توحید حسین کر رہے ہیں۔
مذاکرات میں دوطرفہ تعلقات، اقتصادی و تجارتی تعاون اور علاقائی مسائل پر بات چیت کی گئی۔
اس سے پہلے پاکستان کے نائب وزیراعظم و وزیر خارجہ اسحاق ڈار کی بنگلادیش کے مشیر تجارت شیخ بشیر الدین سے ملاقات ہوئی، اس ملاقات میں اقتصادی اور تجارتی تعاون کو فروغ دینے کے طریقوں پر تبادلہ خیال کیا گیا۔
اس موقع پر تجارت کو بڑھانے اور رابطوں کو مزید فروغ دینے سے متعلق بھی خصوصی گفتگو کی گئی۔ ۔