انڈونیشیا کے صدر آج پاکستان کے سرکاری دورے پر پہنچیں گے
Dec ۰۸, ۲۰۲۵ ۰۹:۳۷ Asia/Tehran
انڈونیشیا کے صدر پرابوو سو بیانتو دو روزہ سرکاری دورے پر آج پاکستان پہنچیں گے۔
پاکستان کے ترجمان دفتر خارجہ کے مطابق پاک انڈونیشیا سفارتی تعلقات کے 75 سال مکمل ہونے پر انڈونیشین صدر پرابوو سو بیانتو پاکستان کے وزیراعظم شہباز شریف کی دعوت پر پاکستان آرہے ہیں۔
ترجمان کے مطابق انڈونیشیا کے صدر، وزیراعظم شہباز شریف کے ساتھ وفود کی سطح پر مذاکرات کریں گے۔
ہمیں فالو کریں:
Follow us: Facebook, X, instagram tiktok whatsapp channel
انڈونیشن صدر کی پاکستان کے صدر آصف علی زرداری اور چیف آف ڈیفنس فورسز فیلڈ مارشل عاصم منیر سے بھی ملاقات ہوگی۔
دورے میں تجارت، سرمایہ کاری، دفاع، صحت، آئی ٹی، موسمیات، تعلیم اور ثقافت پر بات چیت ہوگی۔ دونوں ممالک کے درمیان متعدد مفاہمتی یادداشتوں پر دستخط بھی متوقع ہیں۔
