پاکستان ؛ گرفتار بلوچ لڑکی نے خودکش حملے کی تیاری کا اعتراف کیا

Dec ۲۹, ۲۰۲۵ ۱۹:۳۱ Asia/Tehran

کراچی میں سی ٹی ڈی کے ہاتھوں گرفتار کی جانے والے بلوچ لڑکی نے اعتراف کیا ہے کہ اس کو خودکش دہشت گردانہ حملے کے لئے تیار کیا گیا تھا ۔

سحرنیوز/پاکستان: پاکستانی میڈیا رپورٹوں کے مطابق مذکورہ بلوچ لڑکی نے بتایا ہے کہ بلوچ لبریشن آرمی نے اس کی برین واشنگ اور ذہن سازی کی اور خود کش حملے کے لئے تیار کیا۔

اس لڑکی نے اعتراف کیا کہ بی ایل اے کے دہشت گردوں نے اس کو خود کش حملے کی ٹریننگ دی ۔

ہمیں فالو کریں:

قابل ذکر ہے کہ آج پاکستان کے کاؤنٹر ٹیرر ازم ڈیپارٹمنٹ سی ٹی ڈی نے اعلان کیا تھا کہ بلوچستان سے بس کے ذریعے کراچی لائی جانے والی ایک کمسن بلوچ لڑکی کوگرفتار کرکے ایک بڑے دہشت گردانہ منصوبے کو ناکام بنادیا گیا۔

آج کراچی میں وزیرداخلہ سندھ اور کراچی پولیس چیف کے ساتھ پریس کانفرنس میں سی ٹی ڈی کے ایڈیشنل آئی جی آزاد خان نے بتایا تھا کہ اس لڑکی سے سوشل میڈیا کے ذریعے رابطہ کیا گیا اور اس کی برین واشنگ کرکے خود کش حملے کے لئے تیار کیا گیا ۔