حالات سنوارنے کے لیے حکمران راستہ نکالیں : پی ٹی آئی چیئرمین بیرسٹر گوہر خان کی اپیل

Dec ۳۰, ۲۰۲۵ ۲۰:۰۳ Asia/Tehran

پاکستان تحریک انصاف کے چیئرمین بیرسٹر گوہر خان نے حالات بہتر بنانے کے لئے صاحبان اقتدار سے کوئی طریقہ کار نکالنے کی اپیل کی ہے۔

سحرنیوز/پاکستان: اڈیالہ جیل داہگل ناکے پر میڈیا سے گفتگو میں بیرسٹر گوہر نے کہا کہ تحریک جس شدت سے بھی چلے، مذاکرات کا کوئی نعم البدل نہیں۔ انہوں نے کہا کہ صاحب اقتدار لوگ کوئی طریقہ نکالیں تاکہ حالات بہتر ہوں، ملاقات کی بھیک مانگنے میں دوسروں کے ساتھ اپنوں کا بھی ہاتھ ہے۔

پی ٹی آئی چیئرمین نے مزید کہا کہ مذاکرات اُس طرح سے آگے نہیں بڑھ رہے، جو حالات کا تقاضا ہے۔ انہوں نے حکومت پر بے اعتمادی کا اظہار کرتے ہوئے کہا کہ نئے سال میں داخل ہورہے ہیں مگر لگ رہا ہے کہ دوہزار چھبیس بھی سزاؤں کا سال ہوگا۔

ہمیں فالو کریں:

بیرسٹر گوہر نے یہ بھی کہا کہ ہم ہر منگل کو یہاں آتے ہیں، مقررہ وقت تک انتظار کے بعد واپس چلے جاتے ہیں، صاحب اقتدار لوگوں سے درخواست ہے اس ملک پر کوئی ترس کھائیں۔ چیئرمین پی ٹی آئی کا کہنا تھا کہ ہمارے لیے نظام ساکت ہوچکا ہے ورنہ ہم یہاں روز کھڑے نہ ہوتے، بانی پی ٹی آئی اور بشریٰ بی بی سمیت ہمارے سولہ ارکان پارلیمنٹ کو سزا ہوئی ہے۔