پاکستان تمام حالات میں ایران کے ساتھ مضبوطی سے کھڑا ہے: پاکستان کے وزیر دفاع کی تاکید

Jan ۲۱, ۲۰۲۶ ۱۹:۲۵ Asia/Tehran

پاکستان کے وزير دفاع نے اسلامی جمہوریہ ایران کے ساتھ اپنے برادارانہ تعلقات پر تاکید کرتے ہوئے کہا ہے کہ پاکستان تمام حالات میں ایران کے ساتھ مضبوطی سے کھڑا ہے-

سحرنیوز/پاکستان: پاکستان کے وزیر دفاع خواجہ محمد آصف نے اسلام آباد میں ایران کے سفیر رضا امیری مقدم کے ساتھ ملاقات میں علاقے کی تازہ ترین صورتحال اور ایران و پاکستان کے دوطرفہ تعلقات کےبارے میں تبادلۂ خیال کیا-

پاکستان کے وزیر دفاع نے کہا کہ ایران کے ساتھ پاکستانی عوام اور حکومت کے گہرے برادرانہ اور تاریخی تعلقات قائم ہيں اور سخت و دشوار حالات میں وہ ایرانی عوام کے شانہ بشانہ کھڑے ہيں-

خواجہ محمد آصف نے کہا کہ پاکستان، ایرانی عوام اور رہنماؤں کی دانشمندی و لیاقت پر بھروسہ کرتا ہے کہ جو ان کی شاندار ثقافت، قدیم تہذیب اور تاریخ میں پیوست ہے-

ہمیں فالو کریں:

اسلام آباد میں ایران کے سفیر امیری مقدم نے بھی اسلامی جمہوریہ ایران کے لئے پاکستان کے عوام اور حکومت کی مسلسل اور پیہم حمایت کی قدردانی کی اور اسلام آباد کے اصولی اور دیرینہ موقف کو سراہا-

پاکستان کی وزارت دفاع کے تعلقات عامہ نے اعلان کیا کہ یہ ملاقات انتہائی دوستانہ اور تعمیری ماحول میں انجام پائی جس سے ایران اور پاکستان کے دیرینہ برادارنہ تعلقات کی عکاسی ہوتی ہے-