خلابازی میں جاپان کی زبردست حاضری، خلابازوں کو بھرتی کرنے کا فیصلہ
Dec ۲۲, ۲۰۲۱ ۰۶:۲۰ Asia/Tehran
جاپانی خلائی ایجنسی نے 13 برسوں میں پہلی بار خلابازوں کو بھرتی کرنے کا فیصلہ کیا ہے۔
جاپانی خبررساں ادارے دی مائنیچی کے مطابق بین الاقوامی اسپیس اسٹیشن اور امریکی قیادت میں چاند کے ایکسپلوریشن پروگرام کا حصہ بننے کیلئے جاپان ایرواسپیس ایکسپلوریشن ایجنسی (جے اے ایکس اے) نے خلابازوں کو بھرتی کرنے کا اعلان کردیا ہے۔
ایجنسی نے کہا کہ ادارہ اگلے سال 4 مارچ سے درخواستوں کو لینا شروع کرے گا اور بھرتی کے عمل کو فروری 2023 تک مکمل کرلے گا۔
ایجنسی کا یہ بھی کہنا تھا کہ امیدواروں کو ابتدائی امتحان کے بعد 4 مزید طبی امتحانات سے گزرنا پڑے گا۔ ایجنسی کی ویب سائٹ کے مطابق امیدواروں کیلئے خلا میں یا متعلقہ شعبے میں کام کرنے کا تجربہ ضروری نہیں۔
بشکریہ
ایکسپریس نیوز
