SAHAR

ہندوستان نے آسٹریلیا کے خلاف سیریز کا پانچواں اور آخری ایک روزہ کرکٹ میچ جیت لیا ہے البتہ وہ سیریز پہلے ہی ہار چکا تھا

آسٹریلیا کے شہر سڈنی میں کھیلے گئے ون ڈے سیریز کے آخری میچ میں پہلے بیٹنگ کرتے ہوئے آسٹریلیا نے مقررہ پچاس اوروں میں سات وکٹوں کے نقصان پر تین سو تیس رن بنائے -

آسٹریلیا کی طرف سے وارنر اور مارش نے بالترتیب ایک سوبائیس اور ایک سو دو رن اسکور کئے -

جواب میں ہندوستان نے یہ ہدف انچاس اعشاریہ چار اوروں میں چار وکٹوں کے نقصان پر پورا کرلیا -

ہندوستان کی طرف سے منیش پانڈے نے ایک سوچار ، روہت شرما نے ننانوے اور شیکھر دھون نے اٹھہتر رن بنائے - ہندوستان اپنی اس فتح کے بعد بھی سیریزپہلے ہی ہارچکا تھا -

آسٹریلیا نے اس سے پہلے کے چاروں میچ جیت لئے تھے -آخری میچ کے بعد منیش پانڈے کو آخری میچ کا مرد میداں اور روہت شرما کو مین آف دی سیریز قراردیا گیا -