ورلڈ ٹی ٹوئنٹی میں نیوزی لینڈ نے آسٹریلیا کو ہرا دیا
ورلڈ ٹی ٹوئنٹی میں نیوزی لینڈ نے اپنی فتوحات کا سلسلہ جاری رکھتے ہوئے جمعے کو کھیلے گئے میچ میں آسٹریلیا جیسی مضبوط ٹیم کو بھی شکست دے دی ہے ۔
دھرم شالہ میں کھیلے گئے میچ میں نیوزی لینڈ نے آسٹریلیا کو ہرا کر سیمی فائنل تک پہنچنے کی امیدیں اور زیادہ روشن کرلی ہیں -
اپنے پہلے میچ میں ہندوستان کو شکست دے کر سب کو حیران کر دینے والی نیوزی لینڈ کی ٹیم نےآسٹریلیا کے خلاف پہلے بیٹنگ کرتے ہوئے مقررہ بیس اوروں میں آٹھ وکٹوں کے نقصان پر ایک سو بیالیس رن بنائے -
نیوزی لینڈ کی طرف سے مارٹن گپٹل نے سب سے زیادہ انتالیس رن بنائے-
جواب
میں آسٹریلیا کی ٹیم مقررہ اوروں میں نو وکٹوں پر ایک سو چونتیس
رن ہی بناسکی یوں نیوزی لینڈ نے یہ میچ آٹھ رن سے جیت لیا
ہفتے کو کولکتہ کے ایڈن گارڈن میں دو روایتی حریف ٹیموں ہندوستان اور پاکستان کے درمیان میچ کھیلا جائےگا -
