SAHAR

شمالی کوریا نے ایک بیان میں اس خبر کی تصدیق کی ہے کہ اس نے ہائیڈروجن بم کا پہلا تجربہ کیا ہے۔

ارنا کی رپورٹ کے مطابق شمالی کوریا نے اپنے بیان میں اعلان کیا ہے کہ ہائیڈروجن بم کا کیا جانے والا یہ تجربہ، کامیاب رہا ہے۔ شمالی کوریا نے گذشتہ سال اعلان کیا تھا کہ اس نے ہائیڈروجن بم تیار کرنے کی ٹیکنالوجی حاصل کرلی ہے اور یہ پہلی بار ہے کہ اس نے اس بم کا کامیاب تجربہ کرنے کا اعلان کیا ہے۔

ہائیڈروجن بم، ایٹم بم سے بھی زیادہ طاقتور ہوتا ہے اور یہ بم، ایٹم بم سے کہیں زیادہ تباہی پھیلانے کی صلاحیت رکھتا ہے۔ اس بم میں ہائیڈروجن آئیسوٹوپس کے فیوژن، جبکہ ایٹم بم میں یورینیم اور پلوٹونیم کے چھوٹے چھوٹے ذراّت کی بنیاد پر دھماکہ ہوتا ہے۔