SAHAR

امریکی جاسوسی تنظیم سی آئی اے کے سابق اہلکار ایڈورڈ اسنوڈن نے کہا ہے کہ اگر اس بات کی ضمانت فراہم کی جائے کہ ان کے خلاف مقدمہ منصفانہ عدالت میں چلایا جائے گا تو وہ امریکہ واپس لوٹنے کو تیار ہیں -

ہیل ویب سائٹ کے مطابق امریکا کی نیشنل سیکیورٹی ایجنسی کے سابق اہلکار ایڈورڈ اسنوڈن نے امریکا لوٹنے کے لیے آمادگی ظاہرکر دی ہے، تاہم انہوں نے کہا ہے کہ اس بات کو یقینی بنایا جائے کہ امریکا میں ان کے خلاف منصفانہ مقدمہ چلایا جائے گا-

واضح رہے کہ ایڈورڈ اسنوڈن ان دنوں روس میں پناہ لئے ہوئے ہیں، اسنوڈن نے اس بارے میں اعلان، اسکائپ کے ذریعے نیو ہیمپشائر فورم میں حصہ لیتے ہوئے کیا، تاہم ان کا کہنا تھا کہ ان کے خلاف چلائے جانے والے مقدمے کے دوران انہیں علنی طور پر اپنے دفاع کی اجازت ملنی چاہئے-

یاد رہے کہ ایڈورڈ اسنوڈن نے امریکی خفیہ اداروں کے جاسوسی کے پروگراموں کے بارے میں معلومات کا انکشاف کیا تھا اور پھر روس میں پناہ لے لی تھی-