امریکی مصنوعات کا بائیکاٹ
Jan ۲۹, ۲۰۱۷ ۱۱:۴۴ Asia/Tehran
میکسیکو میں سوشل میڈیا پر امریکی مصنوعات کا بائیکاٹ کرنے کی ضرورت پر زور دیا جا رہا ہے۔
میکسیکو میں سوشل میڈیا پر گڈ بائی سٹار بکس یا امریکی مصنوعات کے بائیکاٹ کا سلسلہ شروع ہو گیا ہے۔
میک ڈونلڈ، کے ایف سی، والمارٹ اور ہوم ڈیپوٹ جیسی دیگر امریکی کمپنیوں کی مصنوعات کو بھی بائیکاٹ کی فہرست میں شامل کئے جانے کا اعلان کیا گیا ہے۔
سوشل میڈیا پر تحریک چلانے والوں نے میکسیکو کے عوام سے اپیل کی ہے کہ وہ امریکی مصنوعات خریدنے کے بجائے میکسیکو کی مصنوعات خریدیں۔
واضح رہے کہ امریکی صدر ڈونلڈ ٹرمپ نے اپنی انتخابی مہم کے دوران میکسیکو کی سرحد پر دیوار کی تعمیر اور میکسیکو کے مہاجروں کو امریکہ سے نکال باہر کرنے کا اعلان کیا تھا جس کے بعد میکسیکو کے حکام اور عوام نے سخت ردعمل کا اظہار کیا ہے۔
