لندن دہشتگردانہ حملوں کے سلسلے میں بارہ افراد گرفتار
برطانوی پولیس نے لندن کے دہشت گردانہ حملوں کے سلسلے میں بارہ افراد کو گرفتار کیا ہے۔
فرانس پریس کی رپورٹ کے مطابق مشرقی لندن کے مضافات میں واقع بارکینگ کے علاقے میں کئی مقامات پر پولیس نے چھاپہ مار کر بارہ افراد کو گرفتار کر لیا۔
اسکای نیوز نےاس گرفتاری سے پہلے گرینچ کے وقت کے مطابق صبح چھے بجے پولیس کے چھاپے میں ایک خاتون سمیت پانچ افراد کی گرفتاری کی خبر دی تھی۔ زیرحراست لی جانے والی خاتون کو آزاد کر دیا گیا ہے۔
سنیچر کی رات شہر لندن میں دو دہشت گردانہ حملے میں سات افراد ہلاک اور دسیوں افراد زخمی ہوگئےتھے۔
لندن میں ہونے والے یہ دہشت گردانہ حملے مانچسٹر کے آرنا شہر کے کنسرٹ میں ہونے والے دہشت گردانہ دھماکے کے بارہ دن بعد اور برطانیہ میں پارلیمانی انتخابات کے انعقاد کے صرف چار روز پہلے رونما ہوئے ہیں۔
برطانیہ سمیت دیگر مغربی ممالک کو کہ جنھوں نے مشرق وسطی خاص طور پر شام میں دہشت گردوں کی حمایت و مدد میں کسی بھی کوشش سے دریغ نہیں کیا اس وقت، داعش کے یورپی دہشت گردوں کی وطن واپسی اور دہشت گردانہ حملوں کو سامنا ہے۔
