SAHAR

امریکہ میں صدر ٹرمپ کے مخالفین اور حامیوں کے درمیان تصادم کی خبریں موصول ہوئی ہیں۔

ریاست اوریگن کے شہر پورٹ لینڈ میں صدر ٹرمپ کے حامی اور مخالفین ‎سڑکوں پر آئے اور انہوں نے ایک دوسرے کے خلاف زبردست نعرے بازی کی۔ٹرمپ مخالفین سیاہ کپڑے پہنے ہوئے تھے اور وہ امریکی صدر کے حامیوں کو فسطائی قرار دے رہے تھے۔دونوں گروہوں کے درمیان نعری بازی کا یہ سلسلہ تصادم میں تبدیل ہوگیا اور آّپس میں گتھم گتھا شروع ہوگئی۔اس تصادم کے نتیجے میں متعدد افراد زخمی ہوگئے۔ تصادم کو بڑھتا ہوا دیکھ کر پولیس نے مداخلت کی اور دونوں گروہوں کو ایک دوسرے سے الگ کردیا۔پولیس نے کم سے کم دو افراد کو گرفتار کرلیا ہے۔