فرانسیسی پولیس کے تشدد کے خلاف پیرس میں مظاہرے
Dec ۰۴, ۲۰۱۷ ۲۰:۱۳ Asia/Tehran
فرانسیسی پولیس اور سیاہ فام نوجوان کی ہلاکت کے خلاف مظاہرہ کرنے والوں کے درمیان تصادم کی خبریں موصول ہوئی ہیں۔
پریس ٹی وی کے مطابق پولیس کے تشدد کے خلاف بڑی تعداد میں مظاہرین گرڈی نار میٹرو اسٹیشن کے باہر جمع ہوئے اور انہوں نے سیاہ فام نوجوان کے قاتلوں کو سزا دینے کا مطالبہ کیا۔رپورٹ کے مطابق پولیس نے سیاہ فام نوجوان کے قتل کے خلاف مظاہرہ کرنے والوں پر تشدد کیا اور انہیں گرڈی نار اسٹیشن سے باہر دھکیل دیا۔کہا جارہا ہے کہ تھیو نامی ایک سیاہ فام نوجوان کو چند ماہ قبل چار پولیس اہلکاروں نے جنسی تشدد کا نشانہ بنانے کے بعد قتل کردیا تھا۔اس واقعے کے بعد پیرس کے نواحی علاقوں میں وسیع مظاہرے بھی کیےگئے تھے۔
