لندن: نئے سال کے جشن کے دوران 4افراد ہلاک
Jan ۰۲, ۲۰۱۸ ۰۹:۲۲ Asia/Tehran
ہلاک ہونے والے چاروں نوجوانوں کی عمریں 17 سے 20برس کے درمیان تھیں۔
لندن میں سال نو کے جشن کے دوران چھریوں کے وار سے4 نوجوانوں کو قتل اور ایک کو شدید زخمی کردیا گیا، چاروں نوجوانوں کی عمریں 17سے 20برس کے درمیان تھیں۔
پولیس نے 5 مشتبہ ملزمان کو گرفتار کرلیا ہے جبکہ ان واقعات کی تحقیقات شروع کردی گئی ہیں جبکہ برطانوی پولیس کا کہنا ہے کہ ان واقعات کا نیوائرکے جشن سے کوئی تعلق نہیں ہے۔
برطانوی دارالحکومت لندن میں گزشتہ پانچ برسوں کے دوران چھری مارنے کے واقعات سامنے آئے ہیں اور یہ اس کی بدترین مثال ہے جبکہ شہر کے لیے یہ واقعات تشویش ناک تصور کیے جارہے ہیں۔
خیال رہے کہ لندن میں 2017 کے دوران چھریوں کے وار سے کم از کم 80 افراد ہلاک ہو گئے تھے جن میں سے 25 نابالغ تھے۔
