امریکہ: کیلی فورنیا میں فائرنگ کا واقعہ، 13 ہلاک متعدد زخمی
Nov ۰۸, ۲۰۱۸ ۱۹:۳۲ Asia/Tehran
امریکی ریاست کیلی فورنیا کے پولیس حکام کا کہنا ہے کہ بدھ کی رات رونما ہونے والے فائرنگ کے واقعے میں تیرہ افراد ہلاک اور کئی دیگر زخمی ہوئے ہیں۔
رشا ٹوڈے کے مطابق امریکی ریاست کیلیفورنیا کے پولیس حکام نے اعلان کیا ہے کہ بدھ کی رات تھاؤزیند آکس کے سیاحتی مرکز میں ہونے والی فائرنگ میں تیرہ افراد ہلاک اور متعدد دیگر زخمی ہوئے ہیں جبکہ حملہ آور بھی مارا گیا ہے۔
یہ علاقہ شہر لاس انجلیس کے مضافات میں واقع ہے۔ عینی شاہدوں کے مطابق حملہ آور کے ہاتھ میں ایک بڑا ہتھیار تھا اور وہ لوگوں پر آنسو گیس بھی چھوڑ رہا تھا۔
فائرنگ کے واقعے کے بعد پولیس تعینات ہو گئی اور اس نے لوگوں سے وہاں جمع نہ ہونے کی اپیل کی۔ ابھی تک حملہ آور کی کوئی پہچان نہیں بتائی گئی ہے۔
