غزہ پر حملے کی نتنیاہو کی دھمکی
Feb ۰۸, ۲۰۱۹ ۱۹:۴۶ Asia/Tehran
صیہونی حکومت کے وزیراعظم نے غزہ پر بڑا حملہ کرنے کی دھمکی دی ہے۔
صیہونی حکومت کے وزیراعظم بنیامین نتنیاہو نے غزہ سے متصل مقبوضہ فلسطین کی سرحدوں کا دورہ کرنے کےموقع پر کہا کہ اگر غزہ میں فائربندی پر عمل نہیں ہوتا تو اس علاقے پر وسیع حملے کئے جائیں گے
صیہونی حکومت نے دسمبر دوہزارسترہ سے غزہ پر ہوائی حملوں کو اپنے ایجنڈے میں شامل کررکھا ہے - غزہ پر صیہونی حکومت کے حملوں میں اب تک ہزاروں فلسطینی شہید اور زخمی ہوچکے ہیں -
فلسطین کی اسلامی مزاحمتی تحریکوں نے بھی غزہ پر اسرائیلی حملوں کےجواب میں تقریبا پانچ سو میزائل اور راکٹ غاصب صیہونی علاقوں میں فائر کئے ہیں۔
