SAHAR

امریکی شہریوں نے واشنگٹن میں مظاہرہ کر کے امریکی حکومت اور نیٹو کی پالیسیوں کے خلاف احتجاج کیا۔

رشا ٹوڈے نے خبر دی ہے کہ واشنگٹن کی سڑکوں پر مظاہرے میں شریک امریکی شہریوں نے نیٹو کے وزرائے خارجہ کے عنقریب ہونے والے اجلاس کی شدید مخالفت کا اعلان کیا-

مظاہرے کے شرکا نے وینزوئیلا میں امریکا کی مداخلت پسندانہ پالیسیوں کی بھی مذمت کی- مظاہرے کے اختتام پر مظاہرین نے ایک بیان میں کہا کہ وہ نیٹو کی پالیسیوں، جنگ، نسل پرستی اور وینزوئیلا کے خلاف امریکی اقدامات کے مخالف ہیں-

یہ احتجاجی مظاہرہ وائٹ ہاؤس، آئی ایم ایف، واشنگٹن کی بلدیہ اور امریکا کے ایمیگریشن کے محکمے کی عمارتوں کے  باہر کیا گیا-

مظاہرین ایسے پلے کارڈ بھی اٹھائے ہوئے تھے جن پر وینزوئیلا میں امریکی مداخلت کی مذمت میں نعرے لکھے ہوئے تھے-