ٹرمپ نے سعودی عرب کی پھر تذلیل کی
ٹرمپ نے سعودی عرب کے بادشاہ سلمان بن عبد العزیز کی توہین کرتے ہوئے کہا کہ سعودی عرب کے پاس پیسے کے علاوہ کچھ بھی نہیں ہے۔۔
امریکی صدر ڈونلڈ ٹرمپ نے وسکانسن میں اپنے حامیوں سے خطاب کرتے ہوئے ایک بار پھر سعودی عرب کے فرمانروا کا ذکر انتہائی حقارت کے ساتھ کیا اور کہا ہم سعودی عرب کو سیکورٹی اور مراعات دیتے ہیں جبکہ ان کے پاس سوائے پیسے کےکچھ نہیں ہے۔
ٹرمپ نے کہا کہ میں نے سعودی بادشاہ سلمان سے ٹیلی فون پر بھی صاف صاف کہا کہ تمہارے پاس پیسے بہت زیادہ ہیں۔اس سے پہلے بھی امریکی صدر ڈونلڈ ٹرمپ سعودی حکام کو دودھ دینے والی گائے قرار دے چکے ہیں جبکہ ایک دفعہ انہوں نے کہا تھا کہ اگر امریکہ نہ ہو تو سعودی عرب دو ہفتے بھی باقی نہیں رہ سکتا۔
امریکی صدر نے وسکانسن میں اپنی تقریر کے دوران کئی بار شام کے علاقے جولان پر اسرائیلی حکمرانی کو تسلیم کرنے کے غیر قانونی فیصلے کا ذکر کیا اور کہا کہ سب لوگ باون سال سے صرف باتیں کر رہے تھے لیکن میں نے فورا اس پر عمل کر دکھایا۔
