چین خلیج فارس، ایشیا اور مغربی بحرالکاہل میں فوجی اڈے کے درپے
چین اپنے عالمی منصوبے ون بیلٹ ون روڈ کے تحفظ کے لیے فوجی اڈے قائم کرنے کا منصوبہ رکھتا ہے۔
غیرملکی خبر رساں ادارے اے ایف پی کے مطابق امریکی ادارے پینٹاگون نے اپنی سالانہ رپورٹ میں جسے امریکی کانگریس کو پیش کی گئی دعویٰ کیا ہے کہ چین فوجی اڈہ طویل عرصے سے اپنے دوست اور قابل اعتماد ممالک میں قائم کرے گا جن میں ممکنہ طور پر پاکستان، خلیج فارس کی ریاستیں، جنوب مشرقی ایشیا اور مغربی بحرالکاہل کے علاقے شامل ہیں۔
اس وقت چین کا بیرون ملک ایک فوجی اڈہ ہے جو افریقی ملک جبوتی میں قائم ہے جب کہ گزشتہ برس چین کی جانب سے افغانستان کے شمال مغربی علاقے واخان راہداری پر ملٹری بیس بنانے پر غور کیا جا رہا ہے۔
واضح رہے کہ چین نے دنیا بھر کے 152 ممالک کے ساتھ تجارتی روابط کے لیے ون بیلٹ اور ون روڈ منصوبے کا آغاز کیا ہے جس میں بیلٹ سے مراد زمینی رابطہ جب کہ روڈ سے مراد بحری گزرگاہ ہے۔ اس منصوبے کا مکمل نام سلک روڈ اکانومک بیلٹ اور 21 سینچری میری ٹائم سلک روڈ ہے۔
