امریکہ میں طیارہ گرکر تباہ 5 افراد ہلاک
امریکی ریاست لوویزیانا میں موسم کی خرابی اور شدید دھند کے باعث ایک چھوٹا طیارہ گر کر تباہ ہوگیا جس کے نتیجے میں 5 افراد ہلاک ہوگئے۔
بین الاقوامی خبر رساں ادارے کے مطابق امریکی ریاست لوویزیانا کے مقامی ایئرپورٹ سے نجی طور پر استعمال ہونے والا ایک چھوٹا طیارہ پرواز بھرنے کے تھوڑی ہی دیر بعد گر کر تباہ ہوگیا۔ حادثے میں 5 مسافر ہلاک ہوگئے جب کہ ایک زخمی ہوا۔ عمومی مقام پر طیارہ گرنے کے باعث 3 شہری بھی زخمی ہوئے۔
طیارے میں 6 افراد سوارتھے جو ایک فٹبال میچ دیکھنے کیلئے اٹلانٹا جارہے تھے۔ ایئرپورٹ سے چند کلومیٹر کے فاصلے پر طیارے کا ملبہ مل گیا ہے، ریسکیو اہلکاروں نے ملبے میں سے 5 لاشوں اور ایک زخمی مسافر کو نکال لیا ہے۔ واقعے کی تحقیقات کیلیے انکوائری کمیٹی تشکیل دے دی گئی ہے۔
واضح رہے کہ گزشتہ روز بھی نیویارک اور شمالی کیرولینا میں دو چھوٹے طیارے پرواز بھرتے ہی گر کر تباہ ہوگئے تھے ۔
