SAHAR

 سینیٹ میں ٹرمپ کے مواخذے کی کارروائی کے پہلے دن ڈیموکریٹ نے کیس میں تین اصلاحات کا مطالبہ کیا تھا جس کی ری پبلکن کی جانب سے سخت مخالفت کی گئی۔

ٹرمپ کے مواخذے کے پہلے دن کی کارروائی منگل کے روز ہوئی تھی۔

سینیٹ میں ڈیموکریٹ دھڑے کے سربراہ چک شومر نے درخواست کی تھی کہ امریکی صدر کے چیف آف اسٹاف مائک مول وینی کو بھی سینٹ میں گواہی کے لیے طلب کیا جائے جو یوکرین گیٹ اسکینڈل کی صورتحال سے پوری طرح واقف ہیں انہوں نے وزارت خارجہ کی دستاویزات فراہم کرنے نیز جان بولٹن سمیت وائٹ ہاؤس کے بعض دوسرے موجودہ سابق عہدیداروں کو بھی گواہی کے لیے ایوان میں طلب کرنے کا مطالبہ کیا تھا۔

 

ان معاملات پر ایوان ، پارٹی بنیاد پر تقسیم ہوگیا ہے اکثریتی ری پبلکن دھڑے کے تمام ترپن ارکان نے اس کے خلاف ووٹ دیے۔

قابل ذکر ہے کہ ٹرمپ کے مواخذے کو نتیجہ خیز بنانے کے لیے سینیٹ کے دو تہائی ارکان کے ووٹ درکار ہیں۔