SAHAR

امریکی ایوان نمائندگان کی سربراہ نے صدر ٹرمپ پر نکتہ چینی کرتے ہوئے اُن کو کورونا وائرس کے مقابلے میں ناکام قرار دیا ہے۔

اپنے ایک ٹوئٹ میں ایوان نمائندگان کی سربراہ نینسی پیلوسی نے صدر ٹرمپ کی ہیلتھ پالیسیوں پر کڑی نکتہ چینی کی ہے۔ انہوں نے لکھا ہے کہ ری پبلکن پارٹی اور صدر ٹرمپ کی  کوئی ہیلتھ پالیسی نہیں ہے سوائے اس کے کہ کورونا کے مریضوں کو  کیڑے مار دواؤں کے انجکشن اور وائیٹیکس دیا جائے۔

نینسی پیلوسی نے عمومی مقامات پر صدر ٹرمپ کے ماسک نہ لگانے پر بھی کڑی نکتہ چینی کی۔

خیال رہے کہ صدر ٹرمپ نے اوباما کیئر کے نام سے جاری ہیلتھ پروگرام کا مذاق اڑاتے ہوئے اسے ایک لطیفہ قرار دیا ہے۔ ادھر سینٹ میں اکثریتی دھڑے کے سربراہ مچ مک کینل نے بھی کہا ہے کہ عوام کو سماجی فاصلے کی پابندی کرنا چاہیے اور جب تک ویکسین نہیں آ جاتا اس وقت تک ماسک ضرور لگائیں۔