امریکہ میں آتشزدگی، 175 عمارتیں تباہ، 5 لاکھ ایکڑ رقبہ خاکستر
آتشزدگی سے 3 روز میں 5 لاکھ 60 ہزار ایکڑ رقبہ خاکستر ہوگیا۔
امریکی میڈیا کے مطابق امریکی ریاست کیلی فورنیا کے شمالی اور وسطی حصے میں جنگلات میں لگی آگ اب بھی بے قابو ہے، متاثرہ علاقوں سے 60 ہزار افراد کا انخلا کرا دیا گیا۔
آگ 3 لاکھ 50 ہزار ایکڑ کی اراضی تک پھیل چکی ہے جبکہ مختلف حادثات میں 6 افراد ہلاک، 33 زخمی اور 2 افراد لاپتہ ہوگئے۔
کیلی فورنیا کے 300 سے زائد مقامات پر لگی جنگلات کی آگ تیزی سے پھیل رہی ہے، آگ کی لپیٹ میں آکر 175 عمارتیں تباہ ہو گئیں جبکہ 50 ہزار مزید عمارتوں کو خطرہ لاحق ہے اور ایک لاکھ 40 ہزار افراد بے گھر ہوگئے۔
حکام نے متاثرہ علاقوں سے 60 ہزار افراد کا انخلا کرا دیا ہے جبکہ ایک لاکھ افراد کو صورتحال بگڑنے پر انخلا کے لئے تیار رہنے کی ہدایت کی گئی ہے۔
آتشزدگی سے 3 روز میں 5 لاکھ 60 ہزار ایکڑ رقبہ خاکستر ہوگیا۔ 12 ہزار فائر فائٹرز آگ بجھانےمیں مصروف ہیں جنہیں ہیلی کاپٹرز اور ایئر ٹینکرز کی مدد بھی حاصل ہے تاہم ابھی تک انھیں کامیابی حاصل نہیں ہوئی جبکہ کیلیفورنیا میں آگ کے متاثرین نے بھی اپنے فائر بریگیڈ بنالیے اور خود آگ بجھانا شروع کردی تاہم سرکاری حکام نے متنبہ کیا ہے کہ آگ خود بجھانےسے شہریوں کی جانوں کو خطرہ ہوسکتا ہے۔
