آرمینیا کو شدید نقصان پہنچانے کا دعوی+ نئے ویڈیوز
جمہوریہ آذربائیجان کی وزارت دفاع نے اعلان کیا ہے کہ آرمینیا کے ساتھ پوری شدت سے جھڑپیں جاری ہیں اوراس کی فوج نے آرمینیا کی فوج کو کرارا جواب دیا ہے۔
ہمارے نمائندے کی رپورٹ کے مطابق، جمہوریہ آذربائیجان کی وزارت دفاع کے بیان میں کہا گیا ہے کہ آرمینیا کی فوجنے بھاری ہتھیاروں کا استعمال کرتے ہوئے ترتر، آغ دام اور گوران بوی علاقوں پر شدید بمباری کی۔
اس بیان میں کہا گیا ہے آرمینیا کی فوج کے حملوں کے جواب میں آذربائیجان کی فوج نے آرمینیا کے فوجی ٹھکانوں کو نشانہ بنایا۔
واضح رہے کہ کئی دہائی قدیمی تنازع کے نتیجے میں اتوار کے روز جھڑپیں شروع ہوئی تھیں جس کے بعد دونوں ممالک ایک دوسرے پر جنگ شروع کرنے کے الزامات عائد کر رہے ہیں۔
بعض ذرائع کا کہنا ہے کہ گزشتہ ایک ہفتے سے جاری جھڑپوں میں اب تک دونوں اطراف سے مجموعی طور پر سیکڑوں افراد ہلاک و زخمی ہو چکے ہیں۔ تاہم ابھی تک دونوں ممالک کی جانب سے اس کی تصدیق نہیں ہوئی ہے۔
نیگورنو- قرہ باغ کا علاقہ 4 ہزار 400 مربع کلومیٹر پر پھیلا ہوا ہے اور 50 کلومیٹر آرمینیا کی سرحد سے جڑا ہے۔
