SAHAR

شمالی کوریا کی فوج نے اپنے ملک کی پچھہترویں سالگرہ کے موقع پر ایک جدید قسم کے براعظم پیما میزائل کی رونمائی کی ہے۔

یہ براعظم پیما میزائل سائز کے لحاظ سے نومبر دو ہزار سترہ میں تجربہ کئے جانے والے ہواسونگ پندرہ، میزائل سے بڑا ہے جو براعظم امریکہ تک مار کرنے کی صلاحیت رکھتا ہے۔

شمالی کوریا کے رہنما نے فوجی تقریب سے اپنے خطاب میں کہا ہے کہ پیونگ یانگ، دفاعی جنگی طاقت کو مضبوط سے مضبوط بناتا رہے گا۔انھوں نے نئے براعظم پیما میزائل اور دیگر جنگی وسائل کی نمائش کے موقع پر یہ بھی کہا کہ کسی ملک نے اگر شمالی کوریا کی قومی سلامتی کو کمزور یا ملک کے خلاف فوجی طاقت کو یکجا کیا تو ہم طاقتور ترین فوجی طاقت کا استعمال کرتے ہوئے جواب دیں گے۔