عراق: امریکی دہشت گرد فوجیوں کے کانوائے پر ایک اور حملہ
عراقی ذرائع کا کہنا ہے کہ عراق میں امریکی فوجیوں کے ایک کانوائے پر آج صبح سویرے ایک اور حملہ ہوا ہے۔
صابرین نیوز کی رپورٹ کے مطابق یہ حملہ عراق کے صوبہ ذی قار کے شہر الناصریہ میں اس وقت ہوا جب امریکی دہشتگرد فوجی سازو سامان لے جا رہے تھے۔ ابھی تک حملے سے ممکنہ طور پر ہونے والے جانی نقصان کی رپورٹ سامنے نہیں آئی ہے۔
گزشتہ دنوں کے دوران امریکہ کے دہشت گرد فوجیوں کے کانوائے کے راستوں میں کئی دھماکے ہوئے۔
اس سے پہلے بھی عراقی ذرائع نے کچھ امریکی کانوائے پر حملوں کی خبر دی تھی۔ بتایا جا رہا ہے کہ عراق میں امریکی فوجیوں کے لئے امداد لے جانے والے کاروان معمولا شام یا کویت کی سرحدوں سے عراق میں داخل ہوتے ہیں۔
واضح رہے کہ کچھ عرصے سے عراق میں امریکی فوجی کانوائے اور اس کی فوجی چھاونیوں پر حملے ہو رہے ہیں۔
عراق کے عوام اپنے ملک میں امریکی فوجیوں کی موجودگی کی مسلسل مخالفت کرتے آ رہے ہیں۔
اس ملک کی پارلیمنٹ بھی عراق سے امریکی فوجیوں کے انخلا کا بل منظور کر چکی ہے۔
