میانمار، فوجی ٹرانسپورٹ طیارے کو حادثہ
Jun ۱۰, ۲۰۲۱ ۱۲:۳۰ Asia/Tehran
میانمار میں فوجی طیارہ گرنے کے حادثے میں 12 افراد اپنی جان سے ہاتھ دھو بیٹھے۔
فارس نیوز کی رپورٹ کے مطابق فوجی ٹرانسپورٹ طیارہ جمعرات کی صبح میانمار کے دوسرے بڑے شہر مانڈلائے میں گر کر تباہ ہوگیا جس کے نتیجے میں کم از کم 12 افراد ہلاک ہوگئے۔
سرکاری ذرائع کے مطابق مذکورہ ہوائی جہاز دارالحکومت " نائپیداؤ" سے " پین او لوین" شہر جارہا تھا کہ دوران لینڈنگ حادثے کا شکار ہوگیا۔
اطلاعات کے مطابق طیارے پر مجموعاً 16 افراد سوار تھے جن میں سے دو افراد زندہ بچ گئے ہیں جن میں طیارے کا پائلٹ بھی شامل ہے۔
