SAHAR

نیٹو کے سربراہ نے بریسلز میں سربراہی اجلاس کے آغاز سے قبل کہا ہے کہ چین کے ساتھ نئی سرد جنگ شروع کرنے کا کوئی ایجنڈا زیرغور نہیں ہے۔

ارنا کی رپورٹ کے مطابق نیٹو کے سربراہ ینس اسٹولٹنبرگ نے کہا ہے کہ ہم چین کے ساتھ سرد جنگ شروع نہیں کرنا چاہتے اور چین ہمارا دشمن نہیں ہے تاہم ہمیں ایک اتحادی کی حیثیت سے اپنی سیکورٹی کے لئے چین کے ابھرنے سے پیدا ہونے والے چیلنجوں کا مقابلہ کرنے کے لئے تیار رہنا چاہئے۔

نیٹو کے سربراہ نے چین کو اس اجلاس کا ایک اہم موضوع قرار دیا اور کہا کہ ہمیں چین کے ساتھ ماحولیات کی تبدیلی اور ترک اسلحہ کے بارے میں اشتراک عمل کرنے کی ضرورت ہے۔ اسٹولنبرگ نے کہا کہ چین کا مقابلہ کرنا کسی ایک ملک کا کام نہیں ہے اور نیٹو کے اجلاس کا اعلامیہ چین کے بڑھتے ہوئے اثر و رسوخ کو روکنے کے لئے نئی اسٹریٹیجی پر مشتمل ہوگا-