ویانا مذاکرات میں واپسی کیلئے وہائٹ ہاوس کی آمادگی
وہائٹ ہاوس کی ترجمان نے کہا ہے کہ واشنگٹن ویانا مذاکرات جاری رکھنے کیلئے تیار ہے۔
ارنا کی رپورٹ کے مطابق وہائٹ ہاوس کی ترجمان جن ساکی نے پریس کانفرنس میں کہا کہ ہم ویانا مذاکرات کو جاری رکھنے کیلئے آمادہ ہیں اور ہمیں توقع ہے کہ مذاکرات کیلئے مواقع میسر ہیں۔
انہوں نے دوسرے امریکی حکام کی طرح ایک بار پھر ایران کے پر امن جوہری پروگرام کے خلاف زہر اگلتے ہوئے کہا کہ ابھی تک اس حوالے سے ہماری تشویش باقی ہے۔
در ایں اثناء ویانا میں عالمی اداروں کیلئے روس کے مستقل مندوب میخائل اولیانوف نے کہا ہے کہ جوہری معاہدے پر عمل در آمد سے متعلق مذاکرات ایران کے نئے صدر کی تقریب حلف برداری کے بعد پھر سے شروع ہوں گے۔
واضح رہے کہ اقوام متحدہ کی سلامتی کونسل کی قرار داد 2231 کی بنیاد پر ایران کے خلاف تمام پابندیاں ہٹانے کا حکم دیا گیا تھا لیکن امریکہ نے تاحال ایٹمی معاہدے کے تحت کیے گئے اپنے وعدوں پر عمل نہیں کیا ہے۔
