SAHAR

دنیا نے چند روز قبل تک امریکہ کے جنگی جہازوں سے بم گرتے ہوئے دیکھے تھے مگر اب اُس نے امریکی جنگی اور فوجی جہازوں سے انسانوں کو گرتے ہوئے بھی دیکھ لیا۔ امریکہ کی سیاہ تاریخ میں مختلف ممالک کے مظلوم اور بے دفاع عوام پر بم گرانے کے ان گنت واقعات درج ہو چکے ہیں مگر جو دل دہلا دینے والا واقعہ کابل ایئرپورٹ پر پیش آیا وہ اپنی نوعیت کا منفرد واقعہ تھا جس میں دنیا نے امریکہ کے فوجی جہاز سے انسانوں کو گرتے ہوئے دیکھا۔ وہی لوگ جو امریکہ سے لو لگائے ہوئے تھے اور اُسے اپنا نجات دہندہ تصور کرتے تھے۔