SAHAR

بیجنگ نے کواڈ تنظیم کے چار رکنی مذاکرات کو چین اور علاقے کے مختلف ملکوں کے درمیان اختلاف کا باعث قرار دیا ہے۔

چین کی وزارت خارجہ کی ترجمان ہوا چوننگ نے ایک بیان میں کہا ہے کہ ان کا ملک کواڈ مذاکرات کے خلاف ہے اس لئے کہ یہ مذاکرات، چین اور علاقے کے ملکوں کے درمیان اختلاف کا باعث بن رہے ہیں۔

چین کی ترجمان نے کہا کہ بعض ممالک، چین کو خطرناک ملک ظاہر کرنے کی کوشش کر رہے ہیں۔

امریکہ، ہندوستان، جاپان اور آسٹریلیا پر مشتمل کواڈ معاہدے کے رکن ملکوں کا سربراہی اجلاس امریکی صدر جوبائیڈن کی میزبانی میں جمعے کے روز وائٹ ہاؤس میں تشکیل پایا۔ ان ممالک کے سربراہوں  نے چین کے مقابلے میں متحدہ موقف کی ضرورت پر زور دیتے ہوئے بحر ہند اور بحرالکاہل میں کسی بھی قسم کے خطرے سے عاری ایک آزاد علاقے کے قیام کی ضرورت پر زور دیا ہے۔