اٹلی میں نیٹو کے خلاف مظاہرہ
-
تظاہرات در روم علیہ ناتو
اٹلی کے عوام نے مشرقی یورپ میں نیٹو کے توسیع پسندانہ اقدام کے خلاف مظاہرہ کیا۔
ایران پریس کے مطابق، اتوار کی شام اٹلی کے دارالحکومت روم میں سیکڑوں کی تعداد میں لوگ سڑکوں پر آئے اور انہوں نے یوکرین میں جنگ ختم ہونے کا مطالبہ کرنے کے علاوہ نیٹو کے اشتعال انگیز اقدامات کو یوکرین میں جنگ چھڑنے کی وجہ قرار دیا۔
مظاہرے میں شامل لوگوں کا کہنا تھا کہ امریکہ سمیت نیٹو کے دوسرے رکن ممالک یوکرین کو اسلحے کی سپلائی کے ذریعے جنگ کے شعلوں کو اور بھڑکا رہے ہیں۔
قابل ذکر ہے کہ گزشتہ ہفتے میلان شہر میں نیٹو کے خلاف ریلی نکلی تھی جس میں ہزار کے قریب افراد شریک ہوئے۔ اس ریلی میں شامل لوگوں نے اٹلی میں امریکہ سمیت نیٹو کی فوجی چھاونیوں کو ختم کرنے کا مطالبہ کیا۔
یوکرین میں 24 فروری سے شروع ہوئی جنگ کے وقت سے اب تک متعدد ملکوں نے کیف کو اسلحے بھیجے ہیں جس کی عوامی سطح پر مخالفت ہو رہی ہے۔
