یوکرین کے میزائل کا شکار ہوکر روسی بحریہ کا ایک جہاز بحیرۂ اسود میں غرق
روس نے بحیرۂ اسود میں اپنے ایک گائیڈڈ میزائل کروزر جہاز کے غرق ہونے کی خبر دی ہے۔
روس کا ’مسکوا‘ نامی جہاز بحیرۂ اسود میں آگ لگنے کے بعد ڈوب گیا۔روسی وزارت دفاع نے جمعے کو علی الصباح بتایا کہ یہ جہاز اپنی منزل کی طرف بڑھ رہا تھا کہ اسکے گولہ بارود کے ذخیرہ میں ہوئے دھماکے سے آگ بھڑک اٹھی جس کے بعد وہ اپنا توازن کھو بیٹھا اور بحیرۂ اسود میں غرق ہو گیا۔ روسی وزارت دفاع نے بتایا کہ اس جہاز کا عملہ اس سے با حفاظت باہر نکلنے میں کامیاب رہا۔
اس سے پہلے یوکرینی انتظامیہ نے کہا تھا کہ ’مسکوا‘ کو گائیڈڈ میزائیل سے نشانہ بنائے جانے کی خبر دی تھی۔
یہ بھی دیکھیئے: دونباس ریجن میں جنگ شدت اختیار کرگئی، یوکرین کا روسی جنگی بیڑے پر میزائل حملہ
گزشتہ 50 دن میں مسکوا روس کا پہلا جہاز نہیں ہے جو نقصان اٹھانے کے بعد غرق ہوا ہو۔ اس سے پہلے بھی یوکرین کی بردیانسک بندرگاہ کے قریب یوکرینی فوج کے حملے میں روس کا ایک اور جہاز غرق ہو گیا تھا۔
