فنلینڈ کے لئے روسی گیس کی سپلائی بند
فنلینڈ کی سرکاری گیس کمپنی نے کہا ہے کہ روس نے فنلینڈ کے لئے گیس سپلائی روک دی ہے
ہمارے نمائندے کی رپورٹ کے مطابق فنلینڈ گیس کمپنی کے آپریٹر نے اعلان کیا ہے کہ روس سے فنلینڈ کے لئے گیس کی سپلائی رک گئی ہے۔
فنلینڈ کی گیس کمپنی نے اعلان کیا ہے کہ روس کی گیس پروم کمپنی نے جمعے کو اطلاع دی تھی کہ فنلینڈ کے لئے گیس کی برآمدات سنیچر سے بند کی جا رہی ہے۔
یہ ایسی حالت میں ہے کہ فنلیڈ کی سرکاری گیس کمپنی نے گیس کی قیمت روبل میں ادا کرنے کی ماسکو کی درخواست پرعمل نہیں کیا ہے۔
روس نے عدم ادائیگی کی بنا پرسنیچر سے فنلینڈ کے لئے بجلی کی برآمدات بھی روک دی ہے۔
روس نے ایسی حالت میں فن لینڈ کے لئے بجلی کی سپلائی روکی ہے کہ جب فن لینڈ کے صدر اور وزیراعظم نے بارہ مئی کو ایک مشترکہ بیان میں زور دے کر کہا تھا کہ ان کا ملک جلد سے جلد نیٹو میں شامل ہونا چاہتا ہے۔
فن لینڈ کے اس فیصلے پر روس نے سخت اعتراض کیا اور روسی حکام نے اس فیصلے کے انجام پر خبردار کیا ۔
