شمالی کوریا نے ایک اور میزائل داغ کر امریکہ کو کیا پیغام دیا
شمالی کوریا کے حکام نے ایک اور میزائل داغ کر امریکہ کو پیغام دیا ہے کہ تم دھمکی دیتے رہے اور سازش کرتے رہو ہم تمہاری دھمکیوں میں آنے والے نہیں ہیں۔
سحر نیوز/ دنیا: غیرملکی میڈیا کے مطابق شمالی کوریا نے میزائل کا ایک اور تجربہ کرلیا۔ دو ہفتوں کے دوران یہ چھٹا میزائل تجربہ ہے۔ تجربے کے دوران کم فاصلے تک مار کرنے والے دو میزائل فائر کئے گئے۔
جنوبی کوریا کے فوجی حکام کا کہنا ہے کہ شمالی کوریا نے 22 منٹ کے وقفے سے دو بیلسٹک میزائل فائرکیے۔ میزائل شمالی کوریا کے مشرقی سمندری علاقے سے فائر کیے گئے۔
دو روز قبل شمالی کوریا نے درمیانی فاصلے تک مار کرنے والے بیلسٹیک میزائل کا تجربہ کیا تھا جو جاپان کی فضائی حدود سے گزر کر سمندر میں گرا تھا۔
شمالی کوریا کے نئے میزائل تجربات کے بعد 2 روز قبل امریکہ اور جنوبی کوریا نے ملکر 4 میزائل داغے تھے۔
شمالی کوریا کے نئے میزائلی تجربات کو امریکہ اور جنوبی کوریا کی مشترکہ جنگی مشقوں کا ردعمل سمجھا جا رہا ہے۔
