SAHAR

اٹلی کے شہر میلان کے سپر سٹورمیں چاقو کے وار سے 6 افراد ہلاک و زخمی ہو ئے ہیں۔

سحر نیوز/ دنیا: موصولہ رپورٹوں کے مطابق میلان میں ایک سپر اسٹور میں چاقو حملے سے کیشیئر ہلاک اور فٹبال کلب آرسنل کے کھلاڑی پبلو میری سمیت پانچ افراد زخمی ہوئے ہیں۔

پبلو میری کی حالت خطرے سے باہر ہے، پولیس نے 46 سالہ حملہ آور کو گرفتار کرلیا ہے، ابتدائی تحقیقات کے مطابق اٹلی کی پولیس کا کہنا ہے کہ فی الحال یہ نہیں کہا جا سکتا کہ یہ دہشتگردی کا واقعہ ہے۔ مزید تحقیقات جاری ہیں۔