فٹبال ورلڈ کپ میں اپ سیٹ جاری+ ویڈیو
فٹ بال ورلڈ کپ میں تیونس کی ٹیم نے ایونٹ کا ایک اور بڑا اپ سیٹ کرتے ہوئے دفاعی چمپیئن فرانس کو 0-1 سے شکست دے دی لیکن اس فتح کے باوجود وہ ٹورنامنٹ کے اگلے مرحلے میں داخل ہونے میں ناکام رہی جبکہ آسٹریلیا نے ڈینمارک کو شکست دے کر کوارٹرفائنل کے لیے کوالیفائی کرلیا۔
قطر میں کھیلے جارہے فٹبال ورلڈ کپ میں گروپ ڈی کے دو میچ ہوئے جہاں آسٹریلیا نے کوارٹر فائنل میں جگہ پائی جبکہ دفاعی چمپیئن فرانس کی ٹیم پہلے ہی دوسرے مرحلے میں دواخل ہوچکی ہے۔
ایجوکیشن سٹی اسٹیڈیم میں تیونس اور فرانس کے درمیان مقابلہ ہوا جہاں دونوں ٹیمیں پہلے ہاف میں کوئی گول نہیں کرسکیں۔
فرانس کے لیے اس میچ میں جیت یا ہار سے کوئی فرق نہیں پڑنا تھا تاہم ٹیم نے جیت کی کوشش ضرور کی۔
تیونس کی ٹیم کو گول کرنے کے کئی مواقع ملے لیکن 58 ویں منٹ میں وہبی خضری کی جانب سے کیا گیا گول فیصلہ کن ثابت ہوا۔
مقررہ وقت تک صرف ایک ہی گول ہوا اور تیونس نے 0-1 سے فرانس کو شکست دے دی۔
