SAHAR

جاپان کی وزارت ٹرانسپورٹ کے اعلان کے مطابق بم ہونے کی اطلاع ملنے کے بعد جاپان کی ایک اندرون ملک پرواز کو ہنگامی طور پر اتار لیا گیا۔

سحر نیوز/ دنیا: کیودو نیوز کے حوالے سے ارنا کی رپورٹ کے مطابق جاپان کی وزارت ٹرانسپورٹ نے اعلان کیا ہے کہ بم دھماکے سے طیارے کو اڑانے کی دھمکی ملنے کے بعد جاپان کے جیٹ اسٹار طیارے نے اندرون ملک ہنگامی طور پر لینڈنگ کی تاہم تلاشی کے دوران کوئی بم یا دھماکہ خیز مواد نہیں ملا۔
رپورٹ میں بتایا گیا ہے کہ طیارے کی ہنگامی لینڈنگ کے دوارن پانچ مسافر زخمی بھی ہوئے۔ کسی نامعلوم شخص کی جانب سے بم کی اطلاع ناریتا ایرپورٹ کے انفارمیشن سینٹر کو دی گئی تھی جس کے بعد طیارے کو ہنگامی طور پر لینڈ کرنے کو کہا گیا اور مسافروں میں ہیجان و اضطراب اور افرا تفری کا ماحول پیدا ہو گیا۔