SAHAR

سوئیڈن کے وزیراعظم اولف کریس ٹرسن نے کہا ہے کہ قومی سلامتی کے سلسلے میں کوئی بھی مسئلہ نیٹو میں سوئیڈن اور فنلینڈ کی شمولیت سے بڑھ کر نہیں ہے۔

سحر نیوز/ دنیا: سوئیڈن کے وزیراعظم نے نیٹو میں اپنے ملک کی شمولیت پر زور دیتے ہوئے کہا ہے کہ سوئیڈن اس بارے میں ترکیہ کے ساتھ مذاکرات کا خواہاں ہے۔ انھوں نے کہا کہ موثر مذاکرات کے بغیر نیٹو میں سوئیڈن کی شمولیت کا مسئلہ اور سخت ہو جائے گا جبکہ یہ مسئلہ سوئیڈن کی سلامتی سے جڑا ہوا ہے۔

یہ ایسی حالت میں ہے کہ سفارتی ذرائع کا کہنا ہے کہ ترکیہ نے اس سلسلے میں مذاکرات کو غیر معینہ مدت کے لئے ملتوی کر دیا ہے۔

ترکیہ کے صدر رجب طیب اردوغان نے کہا ہے کہ سوئیڈن میں قرآن مجید کی بے حرمتی پر مبنی اقدام کی سوئیڈن حکومت کی حمایت کے بعد اسے نیٹو میں شمولیت سے متعلق انقرہ کی جانب سے کسی اقدام کی توقع نہیں رکھنی چاہئے۔