اسرائیل کے وزیر خارجہ کا اسپین کے وزیراعظم پر شدید حملہ
میڈرڈ کے فلسطینی ریاست کو تسلیم کرنے کے اعلان کے بعد اسرائیل کے وزیر خارجہ نے ہسپانوی وزیر اعظم پر شدید حملہ کیا ہے ۔
سحر نیوز/ دنیا: فارس نیوز کے مطابق اسرائیلی حکومت کے وزیر خارجہ یسرائیل کیٹس نے ایکس سوشل میڈیا (سابقہ ٹویٹر) پر اپنے اکاؤنٹ پر اسپین کے وزیر اعظم پیڈرو سانچیز پر اسرائیلیوں اور آبادکاروں کے قتل میں ملوث ہونے کا الزام لگایا۔
اسرائیل کے وزیر خارجہ کا یہ بیان ایسے وقت میں سامنے آیا ہے کہ ہسپانوی وزیر اعظم پیڈرو سانچیز ایک بار پھر کہا ہے کہ اسپین فلسطین کی ریاست کو تسلیم کرے گا۔
یسرائیل کاٹز نے ٹویٹ کیا کہ "اسپین کے وزیر اعظم فلسطینی ریاست کو تسلیم کر کے یہودیوں کو قتل کرنے کے لیے دوسروں کو اکسانے میں ملوث ہیں۔"
اسپین، آئرلینڈ اور ناروے نے آج فلسطینی ریاست کو تسلیم کرنے کا اعلان کیا ہے۔
میڈیا کا کہنا ہے کہ یہ قدم ممکنہ طور پر دیگر یورپی ممالک کو اپنے ساتھ لینے کا سبب بنے گا۔
یسرائیل کاٹز نے پہلے بھی اس مسئلے پر شدید ردعمل کا اظہار کیا تھا اور کہا تھا کہ وہ فلسطین میں اسپین کے قونصل خانے کو فلسطینیوں کو خدمات فراہم کرنے کی اجازت نہیں دیں گے۔
