SAHAR

یورپی یونین کی خارجہ پالیسی کے سربراہ جوزف بورل نے کہا ہے کہ غزہ میں اسکول پر صہیونی فوجیوں کے حملے کے مناظر نہایت وحشتناک ہیں۔

سحرنیوز/دنیا: مہر خبررساں ایجنسی نے الجزیرہ کے حوالے سے رپورٹ دی ہے کہ غزہ میں الدراج اسکول پر صہیونی حکومت کے حملے کے بعد دنیا بھر سے اسرائیل کی مذمت کی جارہی ہے۔
یورپی یونین کی خارجہ پالیسی کے سربراہ جوزف بورل نے کہا ہے کہ غزہ کے تابعین اسکول پر حملے کے بعد میڈیا پر منتشر ہونے والے مناظر نہایت ہی وحشتناک ہیں۔
انہوں نے کہا کہ صہیونی حکومت نے گذشتہ ہفتوں کے دوران غزہ کے دس سے زائد اسکولوں کو نشانہ بنایا ہے۔
واضح رہے کہ غزہ میں الدراج اسکول پر حملے کے نتیجے میں کم از کم 150 افراد شہید اور درجنوں دیگر زخمی ہوگئے ہیں۔