SAHAR

صیہونی ذرائع نے غزہ کی جنگ میں شکست کا اعتراف کرتے ہوئے کہا ہے کہ فلسطین کی اسلامی مزاحمتی تحریک حماس بدستور غزہ میں موجود ہے اور وہاں کا نظام سنبھال رہی ہے۔

سحرنیوز/دنیا: والا نیوز وب سائٹ کے مطابق حماس اپنا اقتدار بچانے میں کامیاب رہی ہے اور حالات سے یہ ظاہر ہوتا ہے کہ حماس طویل جنگ کے باوجود، ہر جگہ موجود ہے اور غزہ پٹی پر اس کا قبضہ ہے۔ اس نیوز وب سائٹ نے لکھا ہے کہ عزالدین القسام بریگيڈ کے ترجمان کا زندہ رہنا، صیہونی حکومت کے فوجی اور سیکوریٹی اداروں کی شکست کے معنی میں ہے۔
دیگر صیہونی ذرائع ابلاغ نے بھی لکھا ہے کہ اسرائيل، سات اکتوبر سن دو ہزار تیئیس میں ہی جنگ ہار گيا تھا اور اس کے بعد اس نے جو کچھ کیا وہ در اصل نقصانات کو کم کرنے کے لئے تھا۔