SAHAR

امریکہ کی کولمبیا یونیورسٹی نے فلسطین کی حمایت میں ہونے والے مظاہروں میں شرکت کے جرم میں 4 طلباء کو معطل اور یونیورسٹی میں ان کے داخلے پر پابندی لگا دی ہے۔

سحرنیوز/دنیا:  غیرملکی میڈیا کے مطابق طلباء نے حال ہی میں برنارڈ کالج کی میلسٹین لائبریری میں فلسطین حامی مظاہرے میں حصہ لیا تھا۔ یہ افراد برنارڈ کالج کے 2 طالب علموں کو نکالنے کے فیصلے کے خلاف احتجاج کرنے والے ایک گروپ کا حصہ تھے جنہوں نے (حکام کے مطابق) ایک معاصر صیہونی تاریخ کی کلاس پر حملہ  کیا تھا اور "صیہونیت مخالف" پمفلٹ تقسیم کیے تھے۔ دریں اثنا، امریکی حکومت نے اعلان کیا ہے کہ اس نے کیمپس میں طلباء کے احتجاج اور غزہ میں صیہونی جنگ کی مذمت کی وجہ سے کولمبیا یونیورسٹی کے لیے تقریباً 400 ملین ڈالر کی فنڈنگ ​​منسوخ کردی ہے۔